Polis məşhur tiktokeri söyüşə görə HƏBS ETDİ
Sosial şəbəkələrdə əxlaq normaları ilə bir araya sığmayan informasiyaların yayımına qarşı polis əməkdaşları tərəfindən profilaktik tədbirlər davam etdirilir.
Oxu.Az-ın məlumatına görə, keçirilən tədbirlərlə “TikTok” sosial şəbəkəsində canlı yayımda təhqiramiz ifadələr səsləndirən 22 yaşlı Solmaz Musayeva saxlanılıb.
Onun barəsində internet resurslarında və ya informasiya-telekommunikasiya şəbəkələrində yayılması qadağan edilən məlumatların yerləşdirilməsinə yol verdiyinə görə protokol tərtib olunub.
Müvafiq məhkəmə qərarı ilə S.Musayeva inzibati qaydada həbs edilib.
