UEFA Millətlər Liqası: Günün ən maraqlı qarşılaşmaları

Bu gün UEFA Millətlər Liqasında qrup mərhələsinin növbəti oyunları keçiriləcək.

Oxu.Az xəbər verir ki, oyun günündə 8 qarşılaşma baş tutacaq.

A Liqasının III qrupunda Xorvatiya İngiltərəni, İspaniya isə Çexiyanı qəbul edəcək.

B Liqasının I qrupunda Şimali Makedoniya Şotlandiya ilə, İsveçrə isə Sloveniya ilə üz-üzə gələcək.

C Liqasının I qrupunda Finlandiya Albaniyanı, Belarus isə San-Marino ilə qarşılaşacaq.

C Liqasının IV qrupunda isə Estoniya Lüksemburqla, İslandiya Bolqarıstanla münasibətlərinə aydınlıq gətirəcək.