İlham Əliyev Müstəqil Azərbaycanın ilk hərbi pilotuna ölümündən sonra “Milli Qəhrəman” adı verdi
Prezident İlham Əliyev Azərbaycan Respublikasının ərazi bütövlüyünün qorunmasında xüsusi xidmətləri olmuş şəxslərin təltif edilməsi haqqında Sərəncam imzalayıb.
Oxu.Az President.az-a istinadən xəbər verir ki, Sərəncama əsasən Azərbaycan Respublikasının müstəqilliyinin, ərazi bütövlüyünün qorunub saxlanılmasında xüsusi xidmətlərinə və döyüş tapşırıqlarını yerinə yetirərkən göstərdikləri igidliyə görə aşağıdakı şəxslərin təltif edilməsi qərara alınıb:
“Azərbaycanın Milli Qəhrəmanı” adı ilə
Vaqif Bəxtiyar oğlu Qurbanov – baş leytenant (ölümündən sonra)
“Azərbaycan Bayrağı” ordeni ilə
Akif Bayram oğlu Quliyev – ehtiyatda olan baş gizir
“İgidliyə görə” medalı ilə
Gülbudağ Əli oğlu Binyətov – ehtiyatda olan polkovnik-leytenant
Bəşir İman oğlu Əliyev – ehtiyatda olan mayor
Elman Səyyad oğlu Cəlilov – ehtiyatda olan kapitan
Tofik Şıxbala oğlu Şalbuzov – ehtiyatda olan baş gizir.
Qeyd edək ki, Vaqif Bəxtiyar oğlu Qurbanov Azərbaycanın ilk hərbi pilotudur.
