Tovuzda 75 yaşlı qadını avtomobil vuraraq öldürdü

Tovuzda piyadanın ölümü ilə nəticələnən ağır yol-nəqliyyat hadisəsi baş verib.

Olkemedia.az Oxu.Az-a istinadən xəbər verir ki, hadisə rayonun Aşağı Quşçu kəndində qeydə alınıb.

Belə ki, hərəkətdə olan VAZ-2107 markalı avtomobil yolu keçmək istəyən 1950-ci il təvəllüdlü S.Mejdinovanı vurub və piyada hadisə yerində ölüb.

Hadisə yerinə polis əməkdaşları cəlb olunublar.