Qusarda Sakinlər köməksiz vəziyyətdə qaldılar

Qusar rayonu, Yerği kek kəndinin bəzi yerlərində qar örtüyünün hündürlüyü üç metrə çatıb.

Bu barədə  sakinlər məlumat veriblər.

Onlar bildiriblər ki, artıq bir neçə gündür ki, yol tam bağlanıb:

“Kənddə üç ailə və 1000-dən çox heyvan köməksiz vəziyyətdə qalıb. Yem ehtiyatı 2-3 gün ərzində bitəcək, tibbi yardım isə ümumiyyətlə mümkün deyil”.

Qeyd edək ki, kənd dəniz səviyyəsindən 2370 metr yüksəklikdə yerləşir.